સંજીવન

કામ હાથવગું થાય, ને હાશકારો બોલાય
થોડો પોરો ખાય ત્યાંતો, ડુંગર ખડકાઈ જાય.

સવાર, બપોર, સાંજ, રાત; દિનક્રમ ન બદલાય
બદલાતું કાંઈ હોય તો, સમય તારીખ'ને વાર.

ઝુંડ ચાલ્યું સગસામટું, સંગે રંગ બદલાય
નાકની ડૂંડે એ ચાલતું, પણ દૃષ્ટીઓ બદલાય.

ભગવો લીલો સફેદ કાળો, ચિત્ત-વિભ્રમ સર્જાય
નિત્ય, નિર્મળ, નિરાગસ સઘળું; એ વિસારે જાય.

હારી, થાકી એક વ્યક્તિ બસ, નીંદર પોઢી જાય
કાલચક્ર પણ અવ્યાહત જે, આગળ વધતું થાય.

નીંદર ખુલતાં, અજાગૃતીએ, દૃષ્ટિ નવ સર્જાય
કોણે સાચવ્યો? કોણે સંઘર્યો?, નીંદ્રા વૈર મઝાર.

ચિંતન કરતાં, હવન-મંથને, હવ્ય મનોરથ થાય,
નવપલ્લવિત, શક્તિભારિત, જીર્ણોધ્દારણ એ થાય.

***