ભીતરમાં ખોજો

જાતને ક્યારેક આ પ્રશ્ન કરી જોજો,
શાનો છે ભાર તને? શાનો છે બોજો?

વીતેલા કાલને ભૂલવામાં ભલું છે,
જખ્મો પણ રૂઝાય અને ઉતરી જાય સોજો.

નથી કંઈ ખુલાસા તારા પ્રશ્ને, સમયની પાસે,
રાહ જોઈ સમયની અમૂલ્ય જીવન ના ખોજો.

હૈયું ને હાથ તો ભાઈ દીધા છે પ્રભુએ,
બીજી માંગણી અણઘડ કરીને નવ એકાંતમાં રોજો.

ઝાલીને રાખ્યું છે દુઃખ તે જ તારી ભીતર,
બાકી સહજમાં તો ઉછળે છે આનંદની મોજો.

મંથન તો અંતરના સાગરમાં જ થશે,
સહજ ધ્યાનમાં રહીને જરા વલો’જો.

નભે છે અસ્તિત્વ તારું, નિત્ય યુદ્ધ સામે,
જરૂર કૃપા આમાં પ્રભુજીની હોજો.

ગંગા છે ભાવતણી, ભીતરના ભવમાં,
આચરેલ પાપ બધા સંભાળી ધોજો.

ચાહો તો Google નેય પુછજો, WHO AM I ?,
ફટ્ટ દઈને કહેશે – ભાઈ, ભીતરમાં ખોજો.

***