સમાજ

પોતાની મરજીથી બીજી નાતમાં કે બીજા ધર્મમાં લગ્ન કરો તો લોકો તમારી ટીકા કરે અને પરણ્યા વગર 35 (ઉંમર) વટી જાઓ એટલે તમને બીજી નાતમાંથી શોધી આપે એટલે સમાજ.

• આ કોઈ સમાજ પ્રત્યેની ટીકા નથી પરંતુ આજે સમાજમાં શું ચાલી રહ્યું છે તેનુ એક પ્રતિબિંબ છે.

• આ વાત ફક્ત લગ્ન માટે જ લાગુ નથી પડતી, આ વાત એ બધી જગ્યાએ લાગુ પડે છે જ્યાં જ્યાં સમાજના નામ પર અયોગ્ય આચરણ થાય છે.

• સમાજ શું વિચાર કરશે તેના ડરતી આજે લાખો બાળકોના ભવિષ્ય અધુરા રહી જાય છે. આ પરથી મને ઘટના યાદ આવે છે, જેમાં એક બાળક તેના ભવિષ્ય માટે આર્ટસમાં હિન્દી વિષયમાં જવાની ઈચ્છા વ્યક્ત કરી છે પરંતુ "સમાજ શું વિચારશે" તેના ડરથી તેના મમ્મી-પપ્પા તેને શહેરની કોઈ મોંઘી કોલેજમાં સાયન્સના કોઈ ન ગમતા વિષયમાં તે બાળકનું એડમિશન કરાવે છે... લો જોઈ લો આજે સમાજનો પ્રભાવ...

• ઘણા લોકો ઓછા પગારવાળી નોકરી પણ નથી લેતા અને જો લઈ લેશે તો બીજા લોકોને વધુ પગાર જણાવે છે. શું આની જરૂર છે? મારા મત અનુસાર તો નહીં, કેમકે વધું પગાર હોય કે ઓછું પગાર હોય એ પગારમાં જીવન એ વ્યક્તિને વિતાવવાનું છે.

• અને અત્યંત નગ્ન દ્રશ્ય છે આ સમાજનું એ છે "જ્ઞાતિવાદ". "હું તારા કરતા ઉચ્ચ છું" , "તું મારા કરતા નીચી જાતીનો છે". શું ખરેખર આવા વાક્યો આપણા સમાજને શોભે છે? ના, બિલકુલ નહીં. જાતિવાદ સમાજમાં ફક્ત ભાગલા પાડવાનું જ કામ કરે છે.

• જો તમારા જીવનમાં ક્યારેય એવો સમય આવશે કે તમારી પાસે કઈ જ નહીં હોય ક્યારે આ સમાજ ફક્ત 'સલાહ' આપશે 'સહકાર' નહીં આપે.

• આના પરથી એવું નથી કે સમાજ ના હોવો જોઈએ, ફક્ત એટલું કહેવા માગું છું કે એવો સમાજ હોવો જોઈએ કે જે વ્યક્તિના ખરાબ સમયમાં એની સાથે ઉભો રહે ના કે તેની ટીકા કરે. પણ અત્યારના સમયમાં આવો સમાજ રહ્યો જ નથી અને આ એક કડવી હકીકત છે.

• હું કોઈ સમાજ વિરોધી વ્યક્તિ નથી પરંતુ હું વિરોધી છું વ્યક્તિઓમાં રહેલા "સમાજ પ્રત્યેના ડરથી..."

***