બાળપણ

આ મોટપની મજામાં અમને મજા ના આવે,
અમને તો એ જ અમારું બાળપણ સાંભરે.

ચતુરાઈથી ભરેલી આ બેરંગી દુનિયામાં,
અમને બાળપણની એ નિર્દોષતા સાંભરે.

સમસ્યાના હીંચકે હિલોળા લેતી આ જિંદગીમાં,
અમને એ આંબલી-પીપળીના હીંચકા સાંભરે.

નાની નાની વાતે ના હસાતું, ના રડાતું મોટેથી,
અમને તો એ બાળપણની નિખાલસતા સાંભરે.

મોબાઇલને આધીન આ ઓનલાઈન દુનિયામાં,
અમને એ ઓફલાઇન શાંતિ વાળું બાળપણ સાંભરે.

જિંદગીની શ્રેષ્ઠતા મેળવવાની હરીફાઈમાં,
અમને ઈ બાળપણનું ભોળપણ સાંભરે.

આ મોટપની મજામાં અમને મજા ના આવે,
અમને તો એજ અમારું બાળપણ સાંભરે.

* * *