અદ્રશ્ય લકીર

પેલા આકાશમાં વિહરતા પારેવાં જોઈ,
અચાનક મૌન તૂટી ઊઠ્યું -
"વાહ! શું સ્વતંત્ર જીવન તમારું!"

ત્યાં આંખોમાં ઊંડાણ અને હોઠે ગૂઢ સ્મિત સાથે એક પારેવું વળીને સાવ ધીમે સ્વરે બોલ્યું -
"સ્વતંત્રતા? બસ ભ્રમ છે એનું રૂપ...

નથી પસંદ આ દિશામાં ઉડવું ...
પણ શું કરું ? આ વર્ષોથી એક જ દિશામાં વહેવા ટેવાયેલા પવનનું?
જ્યાં લઈ જાય ત્યાં જવું જ રહ્યું...

વળી તેમાં પણ અહીં એક હોડ ચાલી રહી છે ને...!
આ ઝુંડે તેને કદાચ 'મર્યાદા' નામ આપ્યું છે...
વિજેતા નહીં બનું તો ચાલશે પણ,
તેમાં ટકી રહેવું ,એક ના ઈચ્છેલું ફરજિયાતપણું છે 'પ્રિયે'.

અદ્રશ્ય લકીર !

આટલું બોલી,
એક વેધક હાસ્ય છોડી,
એ પારેવું ફરી આકાશમાં ઉડી ગયું...
- 𝒫𝓇𝒾𝓎𝒹𝓊𝓇𝑔𝒶

***