નવો ઉજાશ

હૈયુ જ્યાં હૈયાને મળે ત્યાં જ સમાજ રચાય,
નાત-જાતનાં ભેદ મટીને, મનુષ્યતા મહેકાય.

વડીલ કેરાં વચને ચાલે, સાચવે સદા સંસ્કાર,
જ્ઞાનદીપથી બાળને ઉજાળી, દેશ આગળ લઈ જાય.

સુખ-દુઃખમાં સાથે રહી, ગાય એકતાનાં ગાન,
ગરીબોનાં આંસુ લૂછી, કરે પરોપકાર નાં કામ.

ભાષા,વેશ અનેક છતાં,એકતાનો તાર બંધાય,
અતિથિને દેવ ગણે, એ દ્વાર કદી નાં રૂંધાય.

શ્રમ ને જ્યાં માન મળે, ના ગણવું નાનુ કામ,
નર-નારી સમભાવે જીવે, એજ ટકે સમાજ.

એક થઈ ચાલે સૌ લોક તો,તૂટે સ્વાર્થની દીવાલ,
એવા સમાજનાં સપના માટે"રમી"આ ગીત ગાય.

- રમીલાબા મોરી "રમી"

* * *