અભ્યાસિકા મંડળ: ત્રૈમાસિક અહેવાલ

અભ્યાસ વર્ગ ૨૦૨૬ આ વર્ષ ફરીથી નવા ઉત્સાહ સાથે અભ્યાસ વર્ગનું આયોજન વડોદરામાં ગુજરાત પુસ્તકાલય ના સેમીનાર હોલ માં તા. ૨૦ ઓગસ્ટ ના રોજ કરવામાં આવ્યું હતું. જેમાં ફક્ત જેતે સ્થાનના Coordinators તથા ખુબ સક્રિય રીતે કાર્ય કરનારા કાર્યકર્તાઓ જ અપેક્ષિત હોય છે. ગુજરાતના આપડા તમામ કેન્દ્રો માંથી ૪૫-૫૦ જેવા કાર્યકર્તાઓ ઉપસ્થિત હતા. અભ્યાસ વર્ગ એટલે કાર્યકર્તાઓ માટેનું refresh બટન. જેમાં સંસ્થાનો હેતુ, વિચારસરણી અને કાર્યપદ્ધતિ પર પુનરાવલોકન કરવામાં આવે છે. આમ કહીએ તો કાર્ય કરવાના નવા જુસ્સા ને પૂરવામાં આવે છે. આજ કાર્યક્રમમાં સંસ્થાના સ્વરૂપ માં નવા પદાધિકારીઓ અથવા કોઈ પદાધિકારી ફરીથી એજ જવાબદારી પર છે તો એ જાહેરાત કરવામાં આવે છે.

અભ્યાસ વર્ગ પછી તરત તૈયારી શરુ કરવાની હોય એવો મહત્વનો કાર્યક્રમ એટલે કૌશલમ, બધા જ કેન્દ્ર ની તેમજ રાજ્ય સ્તરીય પ્રચાર પ્રસારની કાર્યયોજનાઓ તૈયાર કરવામાં આવી. આમ, આખો દિવસ ચાલતો આ વર્ગ, સવારે ૯ વાગ્યાથી સાંજે ૫ વાગ્યે પૂર્ણ થયો.

Know your abhyasika Vadodara (2026)

નવા કાર્યકર્તાઓને અભ્યાસિકા મંડળ થી પરિચિત કરવા એવા ઉદ્દેશ્ય થી કોલેજ ના પહેલા વર્ષ માં અભ્યાસ કરતા વિદ્યાર્થીઓ માટે "How to deal with college life" નામ થી કાર્યક્રમ વડોદરામાં મહારાજા સયાજીરાવ ગાયકવાડ વિશ્વવિદ્યાલય ખાતે ૪ ઓગસ્ટના રોજ કરવામાં આવ્યો હતો. જેના સંયોજક શ્રેયભાઈ દવે અને કુંજલબેન જોશીપરા. કાર્યક્રમ ના પહેલા સત્રમાં રવીનાબેન કોડીયાતર અને બીજા સત્રમાં નવઘણભાઈ ઓડેદરા દ્વારા વિદ્યાર્થીઓ ને માર્ગદર્શિત કર્યા. કાર્યક્રમ માં ૨૫૦ થી વધુ વિદ્યાર્થીઓએ રજીસ્ટર કરાવ્યું હતું.

School ના બંધિયાર વાતાવરણ થી College ના થોડા મોકળાશ ના વાતાવરણમાં પોતાનો ધ્યેય અને સંસ્કાર ભૂલી ન જવાય, સારું મિત્ર મંડળ કેટલું મહત્વનું છે, કોલેજના આ સમયગાળા માં પોતાના પર કેવી રીતે વધુ સારું કામ કરી સકાય... વગેરે જેવી અનેક બાબતો આ સત્ર માં વિદ્યાર્થીઓ સાથે ચર્ચા કરવામાં આવી.